કાચી રામ કોણે ઘડી તારી કાયા

કાચી રામ કોણે ઘડી તારી કાયા?

ઘટડામાં ચાંદો ને ઘટડામાં સૂરજ,

ઘટડામાં નવલખ તારા...

ઘટડામાં એરણ ઘટડામાં ધમણ

ઘટડામાં ઘાટ ઘડાયો,

ઘટડામાં આંબો ને ઘટડામાં કેરી

ઘટડામાં વેડન વારો...

ઘટડામાં વાડ ને ઘટડામાં ક્યારો

ઘટડામાં પવન ને પાણી,

ઘટડામાં તાળું ને ઘટડામાં કૂંચી

ઘટડામાં ખોલન હારો...

ઘટડામાં ગંગા ને ઘટડામાં જમના

ઘટડામાં તીરથ નાહ્યા,

ગુરુને વચને બોલ્યાં 'નીરલબાઈ’

સાચા શબ્દ લાગ્યા પ્યારા...

કાચી રામ કોણે ઘડી તારી કાયા?

kaachii raam kone ghadii taarii kaayaa