નીરખી લ્યો નયનામાં સાધુ

નીરખી લ્યો નયનામાં સાધુ, બોલે બાવનથી બારો

અખંડ ધરથી ઉપન્યો, એવા દેહમાં દરશાણા રે...

પાંચ તત્ત્વની ભેળા રમે, નિરંજન ખેલે ન્યારો... નીરખી૦

શ્વાસ ઉચ્છવાસે ચડે સરોદા, રોમ રોમ રણકારો

નાભિકમળથી નીરખી જુઓ, તાંત કરે તૂંહીકારો... નીરખી૦

હૃદયકમલમાં ખેલ રચ્યો છે, જોઈ લ્યોને જોનારો

તરવેણીના તીર ઉપર, અણઘડનો ઉતારો... નીરખી૦

અગમ ઘર પર આસન ઉસી કા, એ અખંડિત ઝારો

જોધા પ્રતાપે ભણે ‘ભવાનીદાસ’, ભેળો છે તેને ભાળો

નીરખી લ્યો નયનોમાં સાધુ.

nirkhii lyo nayanaamaan aansu