રેખ્તા
હિન્દવી
સૂફીનામા
રાજસ્થાની
મૂકો દોડાદોડ
muuko dodadod
મયંક ઓઝા
મયંક ઓઝા
હજુય શેના કોડ મયંકજી?
મૂકો દોડાદોડ મયંકજી.
માંડ ટપ્યા દુઃખની ઢગલી ત્યાં,
આવી ગઈ મચકોડ, મયંકજી.
પતંગિયાં આવીને પૂછે,
વાવ્યાં છે ફૂલછોડ મયંકજી?
તૂટેલાં સપનાઓ સાથે,
કરી લીધી તડજોડ મયંકજી.
કોના પગરવના પડઘાઓ,
ફરતા જોડાજોડ મયંકજી?
ખોવાયાં પગલાં કે રસ્તા?
વાતનો પાડો ફોડ મયંકજી.
સ્રોત
- પુસ્તક : ક્ષણોનાં પ્રતિબિંબ (પૃષ્ઠ ક્રમાંક 22)
- સર્જક : મયંક ઓઝા
- પ્રકાશક : સાયુજ્ય પ્રકાશન, વડોદરા
- વર્ષ : 2025