હમણાં હજી મળ્યાં અને હૈયા સુધી ગયાં

હમણાં હજી મળ્યાં અને હૈયા સુધી ગયાં,

તમને ખબર નથી કે તમે ક્યાં સુધી ગયાં?

શબ્દોથી જ શરૂ થયું, શાંતિ મહીં વધ્યું,

સંકેત આપણા જો જમાના સુધી ગયા.

જેણે વમળમાં ધીર ધરી’તી એ પ્રેમીઓ

ક્હે છે કે છેવટે તો કિનારા સુધી ગયા.

આંખોનું તેજ, વાળની ખુશ્બુ, અધરનો રંગ,

વાતો શરીરની કરી આત્મા સુધી ગયા.

સાવ જ અજાણ્યા એક વખત જે હતાં, હવે

જ્યાં કોઈના ચરણ ન હતા, ત્યાં સુધી ગયાં.

Hamna Haji Malya Ane Haiyya Sudhi Gaya