રેખ્તા
હિન્દવી
સૂફીનામા
રાજસ્થાની
ચકલી
chakli
મયંક ઓઝા
મયંક ઓઝા
કૈંક તો સમજાય એવું બોલ ચકલી,
મસ્ત રહેવાનાં રહસ્યો ખોલ ચકલી.
ઘર બન્યું ત્યારે જ સમજાયું મને કે,
છે તણખલાંના અમૂલા મોલ, ચકલી.
ઊડતી, ગાતી ને ચણતી મોજથી તું,
જિંદગી મારી છે લોલંલોલ, ચકલી.
વ્હેંચતી આનંદ તું, ચીં ચીં કરીને,
આ અમારા શ્વાસ બોદા ઢોલ ચકલી.
ચણ બની વેરાઉં છું હું આંગણામાં,
આવજે ચણવા, લીલોછમ મોલ ચકલી.
સ્રોત
- પુસ્તક : ક્ષણોનાં પ્રતિબિંબ (પૃષ્ઠ ક્રમાંક 60)
- સર્જક : મયંક ઓઝા
- પ્રકાશક : સાયુજ્ય પ્રકાશન, વડોદરા
- વર્ષ : 2025