આછી આછી રે મધરાતે જીવણ, જોયો રે તને…

આછી આછી રે મધરાતે જીવણ, જોયો રે તને…

આછો ઊંઘમાં ઝિલાયો,

આછો જાગમાં ઝિલાયો,

ખરબચડાં આંસુથી જીવણ, રોયો રે તને...

જાળિયે ચડીને અમે ઝુલણતું દીઠું

કાંઈ ફળિયે મોંસૂઝણાનું ઝાડ,

અમે રે જીવણ, બંધ પરબીડિયું ને

તમે કાગળની માહ્યલું લખાણ,

મારા વેણને અભાવે જીવણ, મોયો રે તને...

ઘાસની સળીય ભોંય વીંધતી ઊગે રે

એવું અમને તો ઊગતાં ન આવડ્યું;

ઓછા ઓછા અડધેરી છાતીએ ઊભા રહ્યા

પછી આપ લગી પૂગતાં ન આવડ્યું

પછી પાછલી પરોઢે જીવણ, ખોયો રે તને...

aachhii aachhii re madhraate jiivan, joyo re tane...