ના તને ખબર પડી કે ના મને ખબર પડી

ના તને ખબર પડી કે ના મને ખબર પડી

હું પ્રેમમાં પડ્યો કે તું પ્રેમમાં પડી

કારણમાં આમ હૈં નથી, બે આંખ, બસ, લડી

તું પ્રેમમાં પડ્યો અને હું પ્રેમમાં પડી

હૈયું રહ્યું ન હાથ, ગયું ઢાળમાં દડી

મેળામાં કોણ કોને ક્યારે ક્યાં જતું જડી!

બંનેનાં દિલ ઘડકતાં હતાં જે જુદાં જુદાં

આ પ્રેમ એટલે કે એને જોડતી કડી.

શરમાઈ જતી તોય મને જાણ તો થતી

મારી તરફ તું જે રીતે જોતો ઘડી ઘડી

ઢળતા સૂરજની સામે સમંદરની રેતમાં

બેસી શકે તો બેસ અડોઅડ અડી અડી

મારા વિના ઉદાસ છું તે જાણું છું પ્રિયે

મેં પણ વિતાવી કેટલી રાતો રડી રડી

મેં સાચવ્યો'તો સોળ વરસ જે રૂમાલને

તું આવ્યો જ્યાં નજીક ત્યાંથી ઊકલી ગઈ ગડી.

મળશું જરૂર આપણે ધીરજ તું ધર પ્રિયે

સાચા પ્રણયને કાંઈ પણ શકતું નથી નડી.

naa tane khabar padii ke naa mane khabar padii