તારી જો હાક સુણી કોઈ ના આવે તો એકલો જાને રે!

એકલો જાને, એકલો જાને, એકલો જાને રે! તારી0

જો સૌનાં મોં સિવાય ઓ રે ઓ રે ઓ અભાગી!

સૌનાં મોં સિવાય;

જ્યારે સૌએ બેસે મોં ફેરવી, સૌએ ડરી જાય;

ત્યારે હૈયું ખોલી, અરે તું મોં મૂકી તારા મનનું ગાણું,

એકલો ગાને રે! તારી0

જો સૌએ પાછાં જાય, ઓ રે ઓ રે ઓ અભાગી!

સૌએ પાછાં જાય;

જ્યારે રણવગડે નીસરવા ટાણે, સૌ ખૂણે સંતાય,

ત્યારે કાંટા-રાને, તો તારે લોહીનીગળતે ચરણે ભાઈ,

એકલો ધાને રે! તારી0

જ્યારે દીવો ના ધરે કોઈ, ઓ રે ઓ રે ઓ અભાગી!

દીવો ના ધરે કોઈ;

જ્યારે ઘનઘોરી તુફાની રાતે બાર વાસે તને જોઈ,

ત્યારે આભની વીજે, તું સળગી જઈ સૌનો દીવો

એકલો થાને રે! તારી0

તારી જો હાક સુણી કોઈ ના આવે, તો એકલો જાને રે!

એકલો જાને, એકલો જાને એકલો જાને રે!

(અનુ. મહાદેવભાઈ દેસાઈ)