રેખ્તા
હિન્દવી
સૂફીનામા
રાજસ્થાની
દૃશ્યપટ્ટી
Drishyapatti
ટી. કાર્મી
ટી. કાર્મી
(૧)
લીલી નદીની ઉપર એક સફેદ પક્ષી, બે
પછી ત્રણ.
એક તારનો થાંબલો; બે,
ત્રણ ઝાડીઓ.
એથી વધુ (છાપરાં,
વાદળ, ઘાસના તરણાં)
ટ્રેનમાંથી ગણવા મુશ્કેલ પડે છે,
એટલે હું એમના વિશે ચૂપ રહીશ.
ખરેખર તો હું માનું છું
હું એક જ પંખીની નોંધ લઈશ.
કદાચ એની પાંખોની જ.
(૨)
ભૂરાં કપડાં પહેરીને વૃક્ષની ટોચ ઉપર એ ઊભો હતો, વ્હેરતાં.
અચાનક એનો ચ્હેરો તરડાયો.
એનું શરીર વૃક્ષની ડાળીની જેમ મરડાયું.
એના હાથ હવાથી ભરાયા.
અને એ નીચે પટકાયો.
ટ્રેનની બારીમાંથી
મેં આ બધું જોયું
લીલા મેદાન પછી
અને અશ્વદળ પહેલાં.
હું માત્ર એના પડવાની જ નોંધ લઉં છું.
મેં ચીસ સાંભળી નહોતી.
(અનુ. વિપિન પરીખ)
સ્રોત
- પુસ્તક : કવિતા - ઑક્ટોમ્બર, 1980 (પૃષ્ઠ ક્રમાંક 114)
- સંપાદક : સુરેશ દલાલ
- પ્રકાશક : જન્મભૂમિ પ્રકાશન, મુંબઈ